海胆黑松露芝士牛肉汉堡 ＄98
呢款极尽邪恶嘅汉堡用上半板智利海胆、半只手掌大嘅匈牙利鹅肝、手打美国牛肉汉堡扒再配合热溶芝士同黑松露酱，净係睇食材嘅阵容已经无得输！以为咁多种浓味食材肯定会互抢focus，唔知食紧边样打边样？效果比记者想像中好，海胆、鹅肝、黑松露酱结合之下，竟然同汉堡扒味道非常之match，味道分明，如果女神到时话惊脂肪胆固醇乜乜乜？叫佢同你一齐食咗先讲啦！
小店一直坚持手打汉堡扒，有牛、猪、羊、鸡，任君选择，当中以牛肉最驰名！店主坚持用肥瘦为七三比例嘅美国牛肉，再加入洋葱、乾葱同鸡蛋搅匀，并用人手打至起胶，腌够一晚等牛肉入哂味，第二日再等客人「柯打」，即叫即煎，包惹味！
自家製手打纽西兰羊肉汉堡黑松露捞麵配烟肉 （包饮品）＄78
唔啱食汉堡，食意粉都係个唔错选择！意粉同样可加配手打汉堡扒加黑松露，加埋自家製嘅捞麵汁，唔怕个意粉越食越乾！
此羊肉汉堡扒嘅羊肉来自纽西兰，一食就涌上浓浓嘅羊味，爱食羊肉者必叫！
EC 台式盐酥鸡印尼捞麵 ＄38
印尼捞麵为记者于中学那些年嘅最爱之物，除咗係街坊老店有得食之外，都好少见到大餐厅有得食！口感脆滑嘅盐酥鸡，加两个印尼捞麵麵底确係勾起记者唔少学生哥时期，同成班中同放学去小店觅食嘅回心忆～
番茄肉酱芝士薯条 ＄28
粗切薯条加热溶芝士已叫人回味不已，而家再加埋酸酸甜甜嘅番茄肉酱，食完又想Encore！
此为元朗EC Kitchen之分店，荃湾分店比元朗分店阔落、多位，环境较舒适，但位置于住宅商场内，对于唔係住喺附近嘅食家们会较不就脚。
EC Kitchen
地址：荃湾青山公路633号湾景花园商场地下开放时间：星期一至日，11：30am－10：30pm电话：2116 4018延伸阅读：
菠萝包变汉堡包?! 港式Fusion茶餐厅|湾仔有咩好食|
跟翠如食好嘢！即製牛肉流心芝蛋汉堡 | 九龙湾食乜好
新假期周刊 电子书：iosAndroid
新假期食玩报料：wwjetso@gmail.com欢迎Instagram / facebook 使用#weekendhk 报料，资料一经选中会为你公告天下！ 想最快接收第一手的旅游饮食资讯？Easy！1. 先分别讚好「新假期周刊」及「新假期Jetso 」两个Facebook专页2. 在「讚好」按钮下拣选「抢先看」，搞掂！